Koppolaning noyob soati auksionda 11 mln dollarga sotildi
Mashhur rejissyor Frensis Ford Koppolaning F.P. Bu haqda Zamin.uz xabar berdi.
Journe brendiga mansub soati yaqinda o‘tkazilgan auksionda rekord narxda sotildi. Shveysariyada ishlab chiqarilgan ushbu noyob soat kimoshdi savdosida bor-yo‘g‘i 11 daqiqalik tortishuvdan so‘ng noma’lum xaridor tomonidan 11 million dollarga xarid qilindi.
Ma’lum bo‘lishicha, Koppola 2024 yil bahorida moliyaviy qiyinchiliklarga duch kelganini e’lon qilgan edi. U “Megapolis” filmini suratga olish uchun o‘z shaxsiy mablag‘idan 120 million dollar sarflagan, biroq film prokatdan atigi 14,4 million dollar daromad keltirgan.
Buning oqibatida rejissyor qarzlarini qoplash maqsadida bir qancha mulklarini sotishga majbur bo‘lgan. Keyinchalik uning noyob soatlar kolleksiyasi ham kimoshdi savdosiga qo‘yilgan.
6 dekabr kuni Nyu-Yorkdagi Park-avenyuda o‘tkazilgan auksionda F.P. Journe markasiga mansub ushbu soat 10,755 million dollarga sotildi.
Ushbu summa AQShda soatlar uchun to‘langan eng yuqori narxlardan biri bo‘ldi. Eslatib o‘tamiz, bundan avval 2017 yilda aktyor Pol Nyumanning mashhur Rolex Daytona soati 17,8 million dollarga sotilgan edi.
Qiziqarli tomoni shundaki, Koppola 2014 yilda F.P. Journe kompaniyasi bilan hamkorlikda ushbu soat modelini ishlab chiqqan.
Soatning o‘ziga xos dizayni va murakkab mexanizmi e’tiborni tortadi. Siferblat markazida qo‘lqop kiygan qo‘l tasviri joylashgan bo‘lib, barmoqlar kun davomida harakatlanib, yo‘qolib va qayta paydo bo‘lib turadi.
Auksion soat 11:00 da 1 million dollarlik boshlang‘ich taklif bilan boshlangan. Xaridorlar bir necha soniya ichida narxni 5 million dollarga yetkazishgan.
Yakunda savdo rasmiy ravishda 9 million dollarlik natija bilan yakunlangan bo‘lsa-da, qo‘shimcha yig‘imlar bilan umumiy summa qariyb 11 million dollarga yetdi. Ikkilamchi bozor bo‘yicha mutaxassis Endryu Shir bu savdoni izohlar ekan, ushbu narxni “aql bovar qilmas darajada yuqori” deb baholadi.
