AQSh «Lukoyl»ga xorij aktivlarini sotishga ruxsat berdi
AQSh Moliya vazirligining Chet el aktivlarini nazorat qilish boshqarmasi (OFAC) «Lukoyl» kompaniyasining xorijdagi aktivlarini sotish huquqini beruvchi litsenziyaning amal qilish muddatini 2026 yil 17 yanvargacha uzaytirdi. Bu haqda Zamin.uz xabar berdi.
Ushbu ma’lumot boshqarma rasmiy saytida e’lon qilindi. Mazkur litsenziya «Lukoyl International GmbH» (LIG) va kompaniyaning xorijdagi sho‘ba korxonalariga tegishli aktivlarni sotish bo‘yicha muzokaralar o‘tkazish va shartnomalar tuzish imkoniyatini taqdim etadi.
Shuningdek, bu hujjat LIGning bloklangan hisoblarini foydalanishga ruxsat beruvchi qoidalarni o‘z ichiga oladi. Shu orqali xizmat ko‘rsatish va boshqa operatsiyalarni amalga oshirishga imkon yaratiladi.
Eslatib o‘tamiz, «Lukoyl» 2023 yil 22 oktyabr kuni AQSh sanksiyalar ro‘yxatiga kiritilgan edi. Keyinchalik, dekabr oyida kompaniyaga xorijdagi aktivlarini sotish uchun vaqtinchalik litsenziya berilgan edi.
Shuningdek, bundan avval AQSh Moliya vazirligi «Lukoyl»ga xorijdagi yoqilg‘i quyish shoxobchalarini texnik xizmat ko‘rsatish va yopish operatsiyalarini 2026 yil aprel oyining oxirigacha bajarishga ruxsat bergan edi.
