Isroilda soxta pasport bilan ikki o‘zbekistonlik ushlanadi
Isroilning Ben-Gurion aeroportida ikki nafar o‘zbekistonlik fuqaro soxta Isroil pasportlaridan foydalanib mamlakat hududiga kirishga uringan vaqtida qo‘lga olindi. Bu haqda Zamin.uz xabar berdi.
Bu haqda Isroilning "Cursorinfo" nashri xabar berdi. Mazkur holat bo‘yicha olib borilgan tekshiruv natijasida jami 16 kishi soxta hujjatlar bilan ushlangan.
Ularning ikki nafari O‘zbekiston fuqarosi bo‘lsa, qolgan 14 nafari Gruziya fuqarolaridir. Aniqlanishicha, ushbu pasportlarning ayrimlari ilgari Isroilning vafot etgan fuqarolari nomiga rasmiylashtirilgan.
Ma’lum bo‘lishicha, ushbu shaxslarning 15 nafari Sochi shahridan, yana bir nafari esa Tbilisidan Isroilga uchib kelgan. Ular pasport nazorati davomida aniqlanib, darhol qo‘lga olingan va so‘roq qilingan.
Tergov jarayonida ushlangan shaxslar Isroilga noqonuniy ravishda ish izlash maqsadida kelganliklarini tan olishgan. Hozirda ushbu holat yuzasidan tegishli choralar ko‘rilmoqda.
