Dunyodagi eng boy davlat rahbarlari ro‘yxati e’lon qilindi
2025 yil holatiga ko‘ra, ayrim davlat rahbarlarining moliyaviy holati jamoatchilik diqqat markazida bo‘lib turibdi. Bu haqda Zamin.uz xabar berdi.
Turli manbalarda keltirilgan ma’lumotlarga asoslangan holda, dunyodagi eng boy davlat rahbarlari ro‘yxati tuzilgan. Ushbu ro‘yxatda prezidentlar va davlat boshliqlarining taxminiy boyligi aks ettirilgan.
Ro‘yxatda birinchi o‘rinni Rossiya prezidenti Vladimir Putin egallab, uning boyligi 258 milliard dollarga baholanmoqda. Bu ko‘rsatkich uni dunyo bo‘yicha eng boy davlat rahbari sifatida qayd etadi.
Ikkinchi o‘rinda AQSHning sobiq prezidenti Donald Tramp joy olgan. Uning moliyaviy holati 6,1 milliard dollar deb baholanmoqda.
Uchinchi o‘rinda Shimoliy Koreya yetakchisi Kim Chen In joylashgan bo‘lib, uning boyligi 5 milliard dollarga teng ekani aytilmoqda. To‘rtinchi pog‘onada Xitoy Xalq Respublikasi raisi Si Szinpin turadi.
Uning moliyaviy boyligi 1,5 milliard dollar deb baholangan. Beshinchi o‘rinda Ekvatorial Gvineya prezidenti Teodoro Obiang Nguyema Mbasogo joylashgan bo‘lib, uning boyligi 940 million dollarni tashkil etadi.
Ro‘yxatda Ozarbayjon prezidenti Ilhom Aliyev, Turkiya prezidenti Rajab Toyyib Erdog‘an va Ruanda prezidenti Pol Kagame ham o‘rin olgan. Ularning har biri taxminan 500 million dollarlik boylikka ega ekani qayd etilgan.
So‘nggi o‘rinlarda Janubiy Afrika Respublikasi prezidenti Siril Ramafosa (450 million dollar) va Keniya rahbari Uilyam Ruto (400 million dollar) joy olgan. Mazkur ro‘yxat turli manbalar asosida tuzilgan bo‘lib, u dunyo siyosatchilarining iqtisodiy qudratini o‘rganishga bo‘lgan qiziqishni oshirishi tabiiy.
