Turkistonda eski ko‘prik qulab tushdi

Qozog‘istonning Turkiston viloyati, Keles tumani Qoshqarota qishlog‘ida joylashgan ko‘prik 18-dekabr kuni qulab tushdi. Bu haqda Zamin.uz xabar berdi.

Bu haqda mahalliy hokimlikka tayanib ommaviy axborot vositalari xabar berdi. Hodisa yuz bergan vaqtda hech kim jarohat olmagan, chunki ko‘prikda oldindan yoriqlar paydo bo‘lgani sababli harakat vaqtincha cheklangan edi.

Dastlabki ma’lumotlarga ko‘ra, ko‘prikning qulashi uning eskirganligi va tayanch ustunlari ostidagi suv oqimi ta’sirida yuvilib ketgani bilan bog‘liq. Hozirda voqea joyida Favqulodda vaziyatlar xizmati, huquq-tartibot organlari hamda mahalliy ijroiya hokimiyati vakillari ish olib bormoqda.

Mazkur ko‘prik Turkiston viloyati Yo‘lovchi transporti va avtomobil yo‘llari boshqarmasi tasarrufida bo‘lgan. Hozirda ko‘prik favqulodda tartibda ta’mirlanmoqda.

Aholiga vaqtincha 10–15 kilometrli aylanma yo‘llardan foydalanish tavsiya etilmoqda. Bu yo‘llar Alpamis va Birtilek qishloqlaridan o‘tadi.

Mas’ul tashkilotlar vaziyat to‘liq nazorat ostida ekanini bildirmoqda.