AQShda Green Card lotereyasi bekor qilinishi mumkin
AQSh Ichki xavfsizlik vaziri Kristi Noem o‘zining ijtimoiy tarmoqdagi sahifasida AQSh Fuqarolik va immigratsiya xizmatlariga Green Card lotereyasi doirasidagi DV1 vizalar dasturini to‘xtatish bo‘yicha ko‘rsatma berganini ma’lum qildi. Bu haqda Zamin.uz xabar berdi.
Ushbu viza har yili lotereya orqali g‘olib bo‘lgan shaxslarga AQShga immigratsiya qilish imkoniyatini beradi. DV1 dasturi orqali har yili 50 ming nafargacha chet ellik shaxs AQShga kiradi.
Dasturda ishtirok etish uchun o‘rta ma’lumotga ega bo‘lish yoki ikki yillik kasbiy tajriba talab qilinadi. Kristi Noemning ta’kidlashicha, Brawn universitetining ikki talabasi o‘ldirilishida gumon qilingan portugaliyalik Klaudio Manuele Nevesh Valente 2017 yilda ushbu viza orqali AQShga kelgan.
Hodisa davomida O‘zbekiston fuqarosi Muhammadaziz Umurzoqov halok bo‘lgan. Shuningdek, 2017 yilda ushbu viza orqali AQShga kelgan va Nyu-York shahrida sakkiz kishini avtomobil bilan urib o‘ldirgan o‘zbekistonlik Sayfulla Soipov haqida ham eslatib o‘tildi.
CBS telekanali xabariga ko‘ra, AQShning sobiq prezidenti Donald Tramp ushbu dasturga ko‘p yillar davomida tanqidiy munosabatda bo‘lgan. Trampning fikricha, bunday vizalar mamlakat xavfsizligiga tahdid soladi.
Biroq, DV1 dasturi tarafdorlari bu dastur AQSh iqtisodiyoti uchun foydali va mamlakat imijiga ijobiy ta’sir ko‘rsatadi, deb hisoblaydi. Shu sababli, dastur atrofida turli fikrlar va bahs-munozaralar davom etmoqda.
