Yaponiyada 50 dan ortiq mashina to‘qnashdi, 2 kishi halok bo‘ldi.
Yaponiyaning markaziy qismida joylashgan Gunma prefekturasida katta yo‘l-transport hodisasi sodir bo‘ldi. Bu haqda Zamin.uz xabar berdi.
Ushbu hodisada 50 dan ortiq avtomobil ishtirok etgan. Natijada, ikki kishi halok bo‘lgan, 26 nafar fuqaro esa turli darajada jarohat olgan.
Mahalliy NHK telekanalining xabar berishicha, hodisa tezyurar avtomobil yo‘lida yuz bergan. Dastlabki ma’lumotlarga ko‘ra, yo‘lda muzlagan qoplamaning hosil bo‘lgani sababli avtomobillar to‘qnashgan.
Hodisa oqibatida kamida 10 ta avtomobil yonib ketgan. Favqulodda xizmatlar bergan ma’lumotlarga ko‘ra, jarohatlanganlarning besh nafari og‘ir ahvolda shifoxonaga yotqizilgan.
Qolgan 21 kishi esa yengil tan jarohatlari olgan. Hodisa sababli tezyurar yo‘lning ayrim qismlari vaqtincha harakat uchun yopilgan.
Hozirda voqea yuzasidan tergov ishlari olib borilmoqda. Mutasaddilar yo‘l harakati xavfsizligini ta’minlash uchun qo‘shimcha choralar ko‘rmoqda.
