Nyu-Yorkka ilk bor musulmon mer saylandi
Nyu-York shahrida ilk bor musulmon mer lavozimiga saylandi va u Qur’on bilan qasamyod qildi. Bu haqda Zamin.uz xabar berdi.
Yangi mer Zohran Mamdani 2026 yil 1-yanvardan rasman o‘z faoliyatini boshladi. Bu haqda Associated Press xabar berdi.
Avvalgi merlar asosan Injil bilan qasamyod qilgan bo‘lsa, Mamdani musulmon sifatida Qur’on orqali qasamyod qilishni tanladi. AQSH qonunchiligiga ko‘ra, qasamyod marosimida diniy kitobdan foydalanish majburiy emas.
Mamdani saylovoldi kampaniyasida ijtimoiy masalalarga, jumladan, yashash xarajatlarini kamaytirish, ijara muammolarini hal qilish va jamoat transporti haqlarini bekor qilish kabi masalalarga e’tibor qaratdi. U o‘z kampaniyasida musulmon va janubiy osiyolik saylovchilarni faol safarbar etdi.
G‘alabasidan so‘ng sobiq prezident Barak Obama Mamdanini qo‘ng‘iroq orqali tabrikladi. Zohran Mamdani o‘zini “demokratik sotsialist” deb atab, ijtimoiy tenglikni ta’minlash bo‘yicha bir qator tashabbuslarni ilgari surmoqda.
Biroq u AQSH prezidenti bo‘la olmaydi, chunki u Ugandada tug‘ilgan. Shu tariqa, Nyu-York tarixida ilk bor musulmon shaxs shahar boshqaruviga rahbarlik qilmoqda.
8,5 million aholisi va 120 milliard dollarlik budjetga ega shaharda jiddiy o‘zgarishlar kutilmoqda. Bundan tashqari, 1969 yildan beri ilk bor saylovda qatnashganlar soni 2 milliondan oshdi.
