Nigeriyada Ebola virusi kasalligi aniqlandi 44 kishi kuzatuvda
Nigeriya poytaxti Abujada Ebola virusi bilan kasallanish holati qayd etildi. Bu haqda One.uz xabar beradi.
The Guardian nashri xabar berganiga ko‘ra, bemor bilan bevosita aloqada bo‘lgan 44 kishi aniqlanib, ularda infeksiya mavjudligi tekshirilmoqda. Ayol bemorning kasallik alomatlari 7-oktyabr kuni boshlangan, to‘rt kundan keyin shifoxonaga yotqizilgan va tekshiruvlar natijasida Ebola bilan kasallangani tasdiqlangan.
Bemorning Nigeriyaga qachon kelgani hamda virusni qayerda yuqtirgani hozircha aniqlanmagan. Yo‘l va fuqarolik holati Uganda Sog‘liqni saqlash vazirligi ayol mamlakat hududidan tranzit orqali o‘tganini bildirdi.
Vazirlik ma’lumotiga ko‘ra, u Nigeriya fuqarosi bo‘lib, Kongo Demokratik Respublikasining sharqiy qismiga xizmat safari bilan borgan. Biroq Nigeriya rasmiylari uning fuqaroligini hali tasdiqlamagan.
Ekspert baholari va yaqin mamlakatlardagi holat Afrika kasalliklarni nazorat qilish va oldini olish markazlari bosh direktori Jan Kaseya vaziyatni “nihoyatda jiddiy tahdid” deb baholadi. Uning ma’lumotiga ko‘ra, Ebola virusining Bundibugyo turidan o‘lim darajasi qariyb 50 foizni tashkil etadi.
Keniya ham shu oy boshida Ebola bilan kasallanishning ilk holatini tasdiqlagan, shundan buyon to‘qqizta zararlanish holati qayd etilgan. Uganda esa avvalgi epidemiya tugaganini e’lon qilib chiqqan.
Oldini olish choralari Nigeriya sog‘liqni saqlash idoralari Keniyada kasallik aniqlanganidan so‘ng epidemiologik kuzatuvni kuchaytirgan va ehtimoliy epidemiya holatiga tayyorgarlik choralarini ko‘rgan. Hozircha infeksiya manbai aniqlanmagan, mutaxassislar bemor bilan aloqada bo‘lgan shaxslarni tekshirish orqali virus tarqalishi xavfini baholamoqda.
