Anjelina Joli G‘azo aholisiga yordam chaqirig‘i bilan chiqdi
Gollivud yulduzi Anjelina Joli insonparvarlik missiyasi doirasida Misr va G‘azo sektori o‘rtasidagi Rafah nazorat-o‘tish punktiga tashrif buyurdi. Bu haqda Zamin.uz xabar berdi.
Misrning Al-Youm as-Sabia axborot portalining xabariga ko‘ra, tashrif davomida Anjelina Joli Shimoliy Sinay gubernatori Xolid Mug‘avhir bilan uchrashgan. Shuningdek, u G‘azo aholisi uchun mo‘ljallangan insonparvarlik yordamlari saqlanayotgan Misr Qizil Yarim Oy Jamiyati omborlarini ham ko‘zdan kechirgan.
Tashrif davomida aktrisa G‘azo sektoridan evakuatsiya qilingan va hozirda Misrning El-Arish shahrida davolanayotgan yarador falastinliklarni ham ziyorat qildi. U xalqaro hamjamiyatni G‘azo aholisiga insonparvarlik yordamini ko‘paytirishga chaqirdi va Misr tomonidan falastinliklarga ko‘rsatilayotgan yordam uchun minnatdorchilik bildirdi.
Anjelina Jolining mazkur tashrifi G‘azo sektorida yuzaga kelgan og‘ir insonparvarlik vaziyatiga jamoatchilik e’tiborini qaratishga xizmat qildi. Bu tashrif insonparvarlik yordamlari hajmini oshirish zarurligini yana bir bor ta’kidladi.
