Saudiya Arabistoni Makka yo'nalishida uchirilgan dronni urib tushirdi

Saudiya Arabistoni Havo hujumidan mudofaa kuchlari Yamandagi husiylar harakati tomonidan muqaddas Makka shahri yo‘nalishida uchirilgan jangovar dronni urib tushirdi. Bu haqda One.uz xabar beradi.

Harbiy ma’lumotlarga ko‘ra, uchuvchisiz qurilma shahar ustidagi parvozlar taqiqlangan havo hududiga kirmasdan turib yo‘q qilingan. Ushbu voqea ortidan Saudiya Arabistoni valiahd shahzodasi Muhammad bin Salmon Qohiraga safar qilib, Misr rahbariyati bilan mintaqaviy xavfsizlik va harbiy hamkorlik masalalarini muhokama qildi.

Husiylar vakillari esa muqaddas shaharga hujum qilingani haqidagi xabarlarni rad etib, buni asossiz da’vo deb atadi. Makka yaqinidagi harbiy hodisa tafsilotlari Yaqin Sharqdagi keskin vaziyat musulmon dunyosining eng muqaddas qadamjosi chegaralarigacha yetib bordi.

Saudiya Arabistoni harbiylari Makka shahrining qat’iy qo‘riqlanadigan havo makoniga kirishga uringan kamikadze-dronni havodayoq zararsizlantirishga muvaffaq bo‘ldi. Ar-Riyod ma’muriyati ushbu harakatni butun islom olami uchun muqaddas hisoblangan maskan daxlsizligiga qilingan ochiq tajovuz sifatida baholadi.

O‘z navbatida, husiylarning siyosiy byurosi a’zosi Muhammad al-Farah ushbu ayblovlarni keskin inkor etdi. Uning so‘zlariga ko‘ra, muqaddas shahar hech qachon nishonga olinmagan va bunday xabarlar musulmon davlatlarini Yamanga qarshi birlashtirish maqsadida o‘ylab topilgan uydirmadir.

Shunga qaramay, mazkur hodisa mintaqadagi xavfsizlik choralarini yanada kuchaytirishga sabab bo‘ldi. Muhammad bin Salmonning Qohiraga tashrifi va harbiy hamkorlik Yuzaga kelgan xavfli vaziyat fonida valiahd shahzoda Muhammad bin Salmon rasmiy tashrif bilan Misr poytaxtiga yetib bordi.

Tashrifdan ko‘zlangan asosiy maqsad Yamandagi husiylar tahdidiga qarshi turishda arab dunyosining eng yirik armiyasiga ega bo‘lgan Misr davlatidan strategik yordam olishdir. Prezident Abdulfattoh as-Sisi bilan o‘tkazilgan muzokaralarda nafaqat quruqlikdagi xavfsizlik, balki dengiz yo‘llarini himoya qilish masalasi ham ko‘rib chiqildi.

Husiylarning hujumlari nafaqat Saudiya Arabistoni hududiga, balki Misr iqtisodiyotining muhim qismi bo‘lgan Suvaysh kanali va Qizil dengizdagi savdo yo‘llariga ham jiddiy xavf tug‘dirmoqda. Shu sababli, ikki davlat o‘rtasida havo mudofaa tizimlarini muvofiqlashtirish va dengiz flotlari hamkorligini kuchaytirish bo‘yicha kelishuvlarga erishilishi kutilmoqda.

Bu qadamlar mintaqani yangi urush girdobidan asrab qolish va xalqaro savdo yo‘laklari barqarorligini ta’minlashga xizmat qiladi.