Maduro qo‘lga olindi, Venesuela tankerlar chiqardi

Venesuela hududiy suvlarini qariyb o‘nta neft ortilgan tanker yashirincha tark etdi. Bu haqda Zamin.uz xabar berdi.

Bu kemalar o‘ziga tegishli identifikatsiya belgilarini olib tashlagan holda mamlakatdan chiqib ketgan. Ushbu voqealar AQShning keng qamrovli operatsiyasi davomida sodir bo‘ldi.

Ushbu operatsiya doirasida Venesuela prezidenti Nikolas Maduro va uning turmush o‘rtog‘i qo‘lga olinib, mamlakatdan olib chiqilgani haqida xabar berilgan. Bu haqda podrobno.uz ma’lumot berdi.

TankerTrackers.com ma’lumotlariga ko‘ra, ushbu kemalar AQSh tomonidan sanksiya qo‘yilgan ro‘yxatga kiritilgan. Sun’iy yo‘ldosh tasvirlari kamida to‘rtta tankerning Margarita oroli yaqinidagi dengiz chegarasidan shimolga yo‘l olganini qayd etgan.

Ekspertlarning ta’kidlashicha, xomashyo eksporti vaqtinchalik hukumat uchun hal qiluvchi ahamiyatga ega. 2025 yil dekabr oyidan boshlangan neft blokadasi eksportni deyarli to‘xtatib qo‘ygan, bu esa PDVSA davlat kompaniyasi faoliyatiga jiddiy zarar yetkazgan.

Shunga qaramay, AQSh Venesuelaga nisbatan embargoni saqlab qolgan. Sobiq prezident Donald Tramp esa Xitoy kabi asosiy xaridorlar neft xaridini davom ettirayotganini bildirgan.

Hozirgi tankerlarning chiqishi sanksiyalarni chetlab o‘tishmi yoki kelishilgan qadammi, bu masala hozircha ochiq qolmoqda. 3 yanvarga o‘tar kechasi AQSh Karakasdagi harbiy bazalar va boshqa obyektlarga zarbalar bergan.

Donald Tramp bu operatsiya muvaffaqiyatli o‘tganini tasdiqlagan va Maduro hamda uning turmush o‘rtog‘i qo‘lga olinganini ma’lum qilgan. Yevropa Ittifoqi esa ushbu vaziyatni diqqat bilan kuzatib, Maduroning legitimligi borasidagi avvalgi pozitsiyasini saqlab qolayotganini bildirgan.

OAV xabarlariga ko‘ra, Maduro va uning turmush o‘rtog‘i Nyu-Yorkdagi federal sudga yetkazilgan. Ular narkoterrorizm, kokain kontrabandasi, qurol saqlash va AQShga qarshi fitna uyushtirish kabi ayblovlar bilan sudlanishi kutilmoqda.

OAV xabarlariga ko‘ra, Maduro va uning turmush o‘rtog‘iga umrbod qamoq yoki o‘lim jazosi berilishi ehtimoldan holi emas.