BMT: AQShning Venesuelaga aralashuvi xalqaro huquqni buzadi
Birlashgan Millatlar Tashkiloti (BMT) Inson Huquqlari Oliy Komissariyati 6-yanvar kuni bergan bayonotida AQShning Venesuela ichki ishlariga harbiy aralashuvi xalqaro huquqni buzishi va dunyo xavfsizligini yanada xatarli holatga olib kelishini ta’kidladi. Bu haqda Zamin.uz xabar berdi.
Komissariya xalqaro hamjamiyatni bu masalada aniq va qat’iy pozitsiya bildirishga chaqirdi. Ma’lum bo‘lishicha, o‘tgan hafta oxirida AQSh kuchlari Venesuela Prezidenti Nikolas Maduroni kutilmagan harbiy operatsiya orqali hokimiyatdan chetlashtirgan.
AQSh Maduroni narkoterrorizm va boshqa jinoyatlarda ayblab keladi. Uning o‘rniga Venesuela vitse-prezidenti vaqtinchalik prezident sifatida qasamyod qilgan.
BMT Inson Huquqlari Idorasi matbuot kotibi Ravina Shamdasani bu harbiy aralashuvni inson huquqlari uchun foydali emas, balki xalqaro xavfsizlik tizimi uchun salbiy oqibatlarga olib keladigan hodisa sifatida baholadi. U bu holat kuchli davlatlarning o‘z xohishiga ko‘ra harakat qilishiga yo‘l ochishi mumkinligini ta’kidladi.
Shamdasani, shuningdek, Venesuela kelajagini faqat ushbu mamlakat xalqi hal qilishi kerakligini qayd etdi. U siyosiy beqarorlik va harbiy harakatlarning ko‘payishi inson huquqlari vaziyatini yanada murakkablashtirishi mumkinligini ogohlantirdi.
