Misr kompaniyasi O‘zbekistonda shakar ishlab chiqarishni o‘rganmoqda
Misrning yirik investitsiya kompaniyalaridan biri — Orascom Investment (Nile Sugar) delegatsiyasi O‘zbekistonga ish safari bilan tashrif buyurdi. Bu haqda Zamin.uz xabar berdi.
Tashrif davomida kompaniya vakillari mamlakatimizdagi yetakchi salqin ichimliklar ishlab chiqaruvchi korxonalarga tashrif buyurib, ularning ishlab chiqarish quvvatlari, xomashyo ehtiyojlari va texnologik jarayonlari bilan yaqindan tanishdi. Bu haqda UzDaily.uz xabar berdi.
Uchrashuvlar davomida tomonlar O‘zbekistonda shakar ishlab chiqarishni kengaytirish, ichki bozorni sifatli va barqaror ta’minlash, shuningdek, tayyor mahsulot ishlab chiqarishda mahalliy xomashyo ulushini oshirish masalalarini muhokama qildi. Misr tomoni o‘zbek shakarini to‘g‘ridan-to‘g‘ri sotib olishga qiziqish bildirdi.
Bu, ayniqsa, salqin ichimliklar ishlab chiqarish sohasida qo‘llash uchun muhim bo‘lishi mumkin. Mazkur hamkorlik modeli yirik korxonalarni arzon va sifatli shakar bilan uzluksiz ta’minlashga, shuningdek, mahalliy shakar sanoati uchun barqaror bozor yaratishga xizmat qiladi.
Bundan tashqari, import hajmini qisqartirish, qo‘shilgan qiymat zanjirini kengaytirish va oziq-ovqat sanoatini rivojlantirishga ko‘mak beradi. Bu yondashuv xorijiy investitsiyalarni jalb qilish va sanoat integratsiyasini yanada chuqurlashtirish siyosatiga hamohangdir.
