Yevropa Ilon Mask sun’iy intellektini tergov qilmoqda

Yevropa Ittifoqi Ilon Maskga tegishli Grok sun’iy intellekti orqali yaratilgan jinsiy mazmundagi dipfeyklar bo‘yicha tergov ishlarini boshladi. Bu haqda Zamin.uz xabar berdi.

Bu haqda BBC xabar berdi. Xabarda aytilishicha, X kompaniyasining X Safety sahifasida e’lon qilingan bayonotda Grok sun’iy intellekti orqali yaratilgan ayrim tasvirlar ba’zi yurisdiksiyalarda noqonuniy sanalishi va taqiqlangani ma’lum qilingan.

Ushbu tasvirlar “bozorga chiqarilmagan” deb ta’riflangan bo‘lsa-da, faollar va jabrlanganlar bunday imkoniyatning umuman mavjud bo‘lmasligi kerakligini ta’kidlamoqda. Yevropa Ittifoqi Raqamli xizmatlar to‘g‘risidagi aktga asoslanib, X kompaniyasining faoliyatini nazorat qilmoqda.

Agar kompaniya ushbu qonunni buzgan deb topilsa, unga jahon bo‘yicha umumiy daromadining 6 foizigacha jarima solinishi mumkin. Mazkur holat sun’iy intellekt vositalaridan foydalanishdagi xavfsizlik va etik masalalar bo‘yicha jiddiy muhokamalarga sabab bo‘ldi.

Mutaxassislar va huquq himoyachilari bu kabi texnologiyalarni boshqarish va nazorat qilish mexanizmlarini kuchaytirish zarurligini ta’kidlashmoqda. "ONE.UZ" yangiliklarini "Telegram"da kuzatib boring