Vera Brejneva ijodini yangiladi va “Vira”ga aylandi
Ukrainalik mashhur xonanda Vera Brejneva o‘z ijodiy faoliyatida yangi bosqichni boshladi va endilikda “Vira” taxallusi bilan chiqish qilayotganini e’lon qildi. Bu haqda Zamin.uz xabar berdi.
“VIA Gra” guruhining sobiq a’zosi sifatida tanilgan Vera sahnadagi repertuarini ham tubdan yangilagan. Xususan, uning dasturidan deyarli barcha rus tilidagi qo‘shiqlar o‘chirilgan, shuningdek, Rossiya fuqarolarining shaxsiy tadbirlariga buyurtmalar qabul qilinmayotgani aytilmoqda.
Bu o‘zgarishlar xonandaning ijodiy yo‘nalishini o‘zgartirish va yangi auditoriyani shakllantirish maqsadida amalga oshirilgani ta’kidlanmoqda. Hozirda Vira asosan Kiyevdagi tadbir va premeralarda ishtirok etmoqda, intervyularini faqat ukrain matbuotiga bermoqda.
Shuningdek, u ijtimoiy tarmoqlardagi faoliyatini ham kuchaytirgan. Xonanda xayriya va metsenatlik faoliyatini kengaytirib, ko‘chmanchilarga yordam ko‘rsatish, tibbiyot muassasalarini qo‘llab-quvvatlash va bolalar uchun yordam tashabbuslariga e’tibor qaratmoqda.
Bu ishlari uning yangi imijini targ‘ib qilishning bir qismi sifatida ko‘rilmoqda. Bundan tashqari, Vira to‘liq ukrain tilida yangi konsert dasturi ustida ishlayotgani xabar qilindi.
Ijtimoiy tarmoqlardagi sahifalarini esa ukrain va ingliz tillarida yuritishni boshlagan. Bu esa uning yangi bosqichdagi yo‘nalishini ochiq namoyon etmoqda.
Shu bilan birga, xonandaning qizi Sara Kiperman ham e’tiborni tortmoqda. U ishlatilgan brend buyumlarini arzonlashtirilgan narxlarda sotmoqda.
Masalan, Balenciaga sumkasi 1750 dollar, Louis Vuitton 1550 dollar, Chanel kedasi 450 dollar va Dolce & Gabbana krossovkasi 350 dollarga baholangan. Umuman olganda, Vera Brejnevaning “Vira”ga aylanishi oddiy taxallus o‘zgarishi emas, balki yangi ijodiy pozitsiya, yangi auditoriya va yangi qoidalar sari qadamdir.
Shou-biznesda “ikkinchi nafas” degan tushuncha borligi yana bir bor tasdiqlanmoqda. Bu esa qat’iy xarakter va aniq maqsad bilan amalga oshadi.
