Sevgilisi bilan til biriktirgan ayol erini o‘ldirdi
Hindistonning Rajastxan shtatida 23 yoshli ayol o‘ynashi bilan kelishib, turmush o‘rtog‘ini o‘ldirgani aytilmoqda. Bu haqda Zamin.uz xabar berdi.
Bu haqda NDTV xabar berdi. Ma’lum bo‘lishicha, 25 yoshli Sanjay ismli erkak Anjali bilan 2018 yilda to‘y marosimida tanishgan.
Ular telefon raqamlarini almashgan bo‘lsa-da, keyinchalik aloqa uzilgan. Oradan yillar o‘tib, 2024 yilda Anjali Sanjayni qidirib topadi va ular orasida sevgi munosabatlari boshlanadi.
Ammo qizning ota-onasi bu munosabatga qarshilik qilib, 2025 yil oktyabr oyida uni boshqa bir erkak – Ashish Kumar ismli kishiga turmushga berishadi. Turmushidan norozi bo‘lgan Anjali sevgilisi bilan aloqasini davom ettiradi va qonuniy turmush o‘rtog‘idan qutulishga qaror qiladi.
2026 yilning 30 yanvar kuni Anjali eri Ashishni sayrga taklif qiladi. Shu vaqtda uning sevgilisi va yana ikki sherigi yo‘l chetida yashirinib, qurbonni kutayotgan edi.
Erkaklar Ashishga hujum qilib, uning boshiga tayoq bilan bir necha bor urishadi, so‘ng uni sharf bilan bo‘g‘ib o‘ldirishadi. Jinoyatni o‘g‘irlik sifatida ko‘rsatish maqsadida Anjali bosqinchilarga o‘z ziraklari va erining telefonini beradi.
Shundan so‘ng u o‘zini hushidan ketgan qilib ko‘rsatadi. Yo‘ldan o‘tayotgan odamlar holatni ko‘rib, politsiyaga xabar berishadi.
Jabrlangan er-xotin kasalxonaga olib ketiladi, biroq Ashish Kumar vafot etadi. Tibbiy tekshiruv natijalariga ko‘ra, Ashish bo‘g‘ilib o‘lgani aniqlanadi.
Dastlab Anjali uni mashina urib ketgan deb da’vo qilgan bo‘lsa-da, keyinchalik uning sevgilisi va sheriklari bilan jinoyat sodir etgani fosh bo‘ladi. Hozirda barcha gumondorlar hibsga olingan.
