Tailandda mushuk vabosi 72 yo‘lbarsni nobud qildi

Tailandning Chiangmay provinsiyasida joylashgan sayyohlik bog‘ida mushuk vabosi tufayli 72 ta yo‘lbars nobud bo‘ldi. Bu haqda Zamin.uz xabar berdi.

Bu haqda *The Independent* nashri xabar berdi. Hodisa mamlakat shimolida sodir bo‘lgan.

Mutaxassislarning ma’lum qilishicha, mushuk vabosi, ya’ni panleykopeniya infeksiyasi mintaqada keskin tarqalib, hayvonlarga jiddiy zarar yetkazgan. Ushbu kasallik hayvonlarning ovqat hazm qilish tizimiga va immunitetiga salbiy ta’sir ko‘rsatadi.

Natijada, bir necha yo‘lbarsning hayotini saqlab qolishning imkoni bo‘lmagan. Vaziyatni nazorat qilish maqsadida bog‘ning faoliyati vaqtincha to‘xtatilgan.

Tirik qolgan yo‘lbarslar alohida nazoratga olinib, karantinga joylashtirilgan. Shuningdek, ularga to‘liq vaksinatsiya amalga oshirilgan.

Mutaxassislar epidemiyani jilovlash va boshqa hayvonlarni himoya qilish uchun zarur choralar ko‘rmoqda.