AQSH Eron dronlariga qarshi samarali yechim izlamoqda
AQSH mudofaa vazirligi Eronning Shahed turidagi kamikadze dronlariga qarshi kurashishda jiddiy qiyinchiliklarga duch kelmoqda. Bu haqda Zamin.uz xabar berdi.
The Atlantic nashri xabariga ko'ra, Pentagon rahbariyati yopiq eshiklar ortida o'tgan majlisda bu dronlarni zararsizlantirish uchun arzon va samarali vositalar yetishmasligini tan olgan. Asosiy muammo shundaki, arzon va ommaviy qo'llaniladigan dronlarni urib tushirish uchun juda qimmat havo mudofaa raketalaridan foydalanishga to'g'ri kelmoqda.
Mutaxassislarning fikricha, bu holat resurslarning tez tugashiga va mudofaa tizimlarining haddan tashqari yuklanishiga olib keladi. "Arzon hujum"ga "qimmat javob" berish strategiyasi uzoq muddatda iqtisodiy jihatdan o'zini oqlamaydi.
Hozirda AQSH va Isroil kabi davlatlar aynan shu nomutanosiblik tufayli katta qiyinchiliklarga duch kelmoqda. Dronlar soni ortib borayotgan bir paytda, ularni har safar qimmat tizimlar bilan to'xtatish harbiy zaxiralarni tezda tugatadi.
Vaziyatdan chiqish uchun AQSH harbiy doktrinasini qayta ko'rib chiqishga majbur. Endilikda asosiy e'tibor dronlarga qarshi kurashuvchi maxsus dronlar, radioelektron kurash vositalari va mobil zenit guruhlarini rivojlantirishga qaratilmoqda.
Agar yaqin kelajakda arzon va ommaviy qarshi choralar ishlab chiqilmasa, Shahed kabi dronlar havo mudofaa tizimlarini charchatishda va harbiy byudjetni sezilarli darajada kamaytirishda davom etadi.
