"Alma TV" Rossiya kanallarini efirdan olib tashladi

Qozog‘istonda bahor fasli boshlanishi bilan televideniye sohasida o‘zgarishlar ro‘y bermoqda. Bu haqda Zamin.uz xabar berdi.

Mamlakatdagi yirik pullik televideniye operatorlaridan biri "Alma TV" ba’zi xorijiy telekanallarni efirdan olib tashladi. Bu holat ko‘plab tomoshabinlar orasida norozilik va savollarga sabab bo‘lmoqda.

Orda.kz nashri ma’lumotiga ko‘ra, 2026 yil 28 fevraldan boshlab kompaniya Rossiyaning mashhur kanallarini translyatsiya qilishni to‘xtatgan. Ushbu kanallarga "Perviy kanal.

Vsemirnaya set", "Muzika pervogo", "Pobeda" va "Telekafe" kiradi. Kompaniya vakillari bu qarorni huquq egalari tomonidan berilgan vaqtinchalik ruxsatnomaning muddati tugaganligi bilan izohlashmoqda.

Hozirda "Alma TV" rahbariyati hamkorlik shartnomalarini qayta tiklash bo‘yicha muzokaralar olib bormoqda. Kompaniya xorijiy telekanallar vakillaridan tegishli javob va yangi ruxsatnomalarni kutayotganini bildirgan.

Biroq, bu holat faqat bitta operator bilan cheklanmayapti. Boshqa operatorlar ham "Perviy kanal", "NTV" kabi yirik telekanallarni efirdan olib tashlagan.

Mutaxassislar bu vaziyatni kontent huquqlari va litsenziyalash masalalari bilan bog‘liq murakkabliklar deb baholamoqda. Tomoshabinlar esa sevimli dasturlarini qachon yana ko‘rish imkoniga ega bo‘lishlarini bilishmayapti.