Qozog'iston go'sht eksporti ichki narxlarga ta'sir qilmoqda
Qozog'istondan O'zbekistonga go'sht eksporti qo'shni mamlakatning ichki bozoridagi mol go'shti narxiga ta'sir ko'rsatmoqda. Bu haqda Zamin.uz xabar berdi.
Bu haqda 6 mart kuni Qozog'iston Qishloq xo'jaligi vaziri o'rinbosari Yerbol Tasjurekov ma'lum qildi. Uning so'zlariga ko'ra, Qozog'iston aholisi iste'molidan ko'ra ko'proq go'sht ishlab chiqaradi.
O'tgan yili mamlakatda 430 ming tonna mol go'shti ishlab chiqarilgan, ichki ehtiyoj esa 400 ming tonnani tashkil etgan. Shunday qilib, qariyb 30 ming tonna go'shtni chetga sotish imkoniyati yuzaga kelgan.
Tasjurekov ichki bozorda go'sht narxining oshishini xorijda, jumladan, O'zbekistonda qozoq go'shtiga bo'lgan talabning yuqoriligi bilan izohladi. Unga ko'ra, O'zbekistonga eksport hajmi juda katta, chunki qo'shni mamlakatda go'sht mahsulotlariga talab yuqori va narxlar Qozog'iston ichki bozoridagidan ancha baland.
Shu sababli, iqtisodiy jihatdan foydali bo'lgani uchun ishlab chiqaruvchilar ko'pincha mahsulotlarini eksport qilishni afzal ko'rishmoqda. Kelgusida chorvachilikni rivojlantirish bo'yicha yangi kompleks reja amalga oshirilishi kutilmoqda.
Bu dastur ichki bozorni arzon go'sht bilan ta'minlash, shuningdek, xorijga eksport hajmini oshirishga xizmat qilishi rejalashtirilgan.
