Tramp ma’muriyati Rossiya bilan munosabatlarni yaxshilashni ko‘rib chiqmoqda
Donald Tramp ma’muriyati Moskva bilan munosabatlarni yangi bosqichga olib chiqish imkoniyatini ko‘rib chiqmoqda. Bu haqda Zamin.uz xabar berdi.
Bu haqda Politico nashri ma’lumot berdi. Nashrning yozishicha, Oq uy Rossiyani Ukrainadagi urushni to‘xtatishga va G‘arb davlatlari bilan iqtisodiy hamkorlikni tiklashga undashni maqsad qilgan.
Bunday choralar global kuchlar muvozanatini o‘zgartirib, Pekinning ta’sirini kamaytirishi mumkin. Xususan, Moskvani Vashingtonga yaqinlashtirish uchun iqtisodiy rag‘batlar va investitsiya takliflari muhokama qilinmoqda.
Ushbu g‘oya Rossiya bilan munosabatlarni yaxshilashga qaratilgan. Ammo Ukraina bunday strategiyaga ishonchsiz qaramoqda.
Manbalardan olingan ma’lumotlarga ko‘ra, ilgari ham shunga o‘xshash urinishlar bo‘lgan, biroq ular muvaffaqiyatli yakunlanmagan. Rossiya va Xitoy o‘rtasidagi ittifoq esa barqarorligini saqlab qolmoqda.
Mutaxassislar ham bu yondashuvning natijasi haqida shubhalar bildiradi. Ularning fikricha, Moskva va Pekin o‘rtasidagi yaqinlikning uzilishi emas, balki cheklangan hamkorlik ko‘proq ehtimolga ega.
Shuning uchun ham bu jarayon murakkab va ehtiyotkorlik bilan olib borilishi lozim.
