Rossiya AQShdan Ukrainaga razvedka yordamini to'xtatishni so'radi
Rossiya hukumati AQShga tashqi siyosat sohasida g'alati va kutilmagan taklifni yo'llagan bo'lib, bu taklif Eron bilan Ukrainadagi vaziyatni bir-biriga bog'laydi. Bu haqda Zamin.uz xabar berdi.
Muzokaralardan xabardor manbalarning ma'lum qilishicha, Moskva rasmiylari Vashingtondan Kiyevga ko'rsatilayotgan razvedka yordamini to'xtatishni so'rabdi. Agar AQSh bu talabga rozi bo'lsa, Rossiya o'z navbatida Eron bilan almashinib kelgan razvedka ma'lumotlarini ham to'xtatishiga va'da bergan.
Bu taklifni Rossiya elchisi Kirill Dmitriyev AQSh prezidenti atrofidagi yaqin hamkorlarga, shu jumladan Stiv Vitkof va Jared Kushnerning o'ziga yetkazgan. Biroq, amerikalik rasmiylar bu taklifni rad etishgan va hozircha ushbu muloqot haqida ommaga rasmiy izoh bermaganlar.
Yevropa diplomatlari bu voqeadan jiddiy xavotirda, chunki ular buni oddiy taktik savdo emas, balki strategik maqsadga xizmat qiluvchi katta reja deb baholashmoqda. Ularning fikricha, Kreml nozik xavfsizlik masalalaridan foydalanib, AQSh bilan uning Yevropa ittifoqchilari orasiga nizo solishga harakat qilmoqda.
Maqsad Ukraina va Yaqin Sharqdagi muammolar bo'yicha G'arb davlatlari o'rtasidagi hamjihatlikni zaiflashtirishdir. Bu voqea Rossiya va Eron o'rtasidagi harbiy hamkorlik kuchayib borayotgan fonida sodir bo'libdi.
Xabarlarga ko'ra, Moskva Tehronga sun'iy yo'ldosh tasvirlari va dron texnologiyalarini yetkazib bergan, garchi Kreml bu ayblovlarni rad etayotgan bo'lsa ham, G'arb mamlakatlari bu aloqalarni diqqat bilan kuzatmoqda. Ukrainaga ko'rsatilayotgan yordamning ayrim turlari qisqargan bo'lsa ham, AQSh Kiyev bilan razvedka ma'lumotlarini almashishni davom ettirmoqda.
Bu kanal uchun Ukraina uchun jangovar maydondagi tahdidlarni kuzatish va to'g'ri qaror qabul qilishda eng muhim vositadir. Ushbu aloqani uzish yirik strategik oqibatlarga yetaklashi mumkin.
Manbalar shuni ham qo'shimcha qilishmoqda ki, Rossiya boshqa takliflarni ham ilgari surgan, jumladan Eronning boyitilgan uranini Rossiya hududiga ko'chirishni nazarda tutuvchi g'oyani ham taqdim etgan. Bu takliflar ham AQSh tomonidan rad etilgan bo'lsa-da, rasman tasdiqlanmagan xabarlar o'zaro bog'liqlik kuchayib borayotganini ko'rsatmoqda.
Urush, Eron atrofidagi taranglik va global raqobat o'rtasidagi aloqa tobora aniqroq bo'lmoqda.
