Ebola virusi aeroportlar orqali dunyoga tarqalishi mumkin
Yaponiyalik tadqiqotchilar olib borgan tahlillarga ko‘ra, Afrikada Ebola virusini yuqtirgan inson 30 kun ichida Yevropa va Osiyodagi yirik aeroportlarga yetib borishi mumkin. Bu haqda Zamin.uz xabar berdi.
Bu haqda xorijiy nashr xabar berdi. Tadqiqot asosan Kongo Demokratik Respublikasi va Ugandadan amalga oshiriladigan havo qatnovlari asosida tayyorlangan.
Mutaxassislar shu yo‘nalishlar orqali virusni yuqtirgan shaxslar xalqaro ahamiyatga ega aeroportlarga kirib borishi mumkinligini aytmoqda. Hisob-kitoblarga ko‘ra, eng yuqori xavf Belgiyaga to‘g‘ri keladi.
Unda ko‘rsatkich 92 foiz deb baholangan. Ikkinchi o‘rinda Fransiya turibdi, uning ulushi 91 foizni tashkil etadi.
Shuningdek, Birlashgan Arab Amirliklari 88 foiz va Turkiya 86 foiz bilan yuqori xavf guruhiga kiritilgan. Tadqiqot davomida 11 264 ta aeroport, 569 741 ta havo yo‘nalishi va 330 million yo‘lovchi haqidagi ma’lumotlar o‘rganilgan.
Mutaxassislar bunday tahlillar kasallik tarqalishini oldindan baholash va zarur choralar ko‘rishga yordam berishini ta’kidlamoqda. Shu bilan birga, olimlar virusni yuqtirgan odam mamlakatga kirib kelishi kasallikning darhol keng tarqalishini anglatmasligini qayd etgan.
Agar asosiy omillar o‘zgarmasa, ushbu bashoratlar yaqin kelajak uchun ham dolzarb bo‘lib qoladi.
