Zelenskiy Polshaning Oq burgut ordenini qaytarib yubordi
Ukraina Prezidenti Vladimir Zelenskiy Polshaning “Oq burgut” ordenini qaytarib yuborganini bildirdi. Bu haqda Zamin.uz xabar berdi.
Davlat rahbari o‘zining Telegramdagi sahifasida mukofot pochta orqali Polshaga jo‘natilganini ma’lum qildi va tegishli suratlarni e’lon qildi. Zelenskiyning so‘zlariga ko‘ra, orden 2023-yilda Ukraina xalqi va qurolli kuchlariga ko‘rsatilgan e’tirof sifatida qabul qilingan edi.
Shu bois u ushbu mukofotni Ukraina xalqining umumiy yutuqlari va og‘ir davrdagi matonati ramzi deb bilganini qayd etdi. Biroq Prezident Polsha xalqiga minnatdorchilik bildirishdan voz kechmadi.
U Ukrainaning Polsha bilan hamkorligi, Polsha fuqarolarining yordami va qo‘llab-quvvatlashi uchun chuqur minnatdor ekanini alohida ta’kidladi. Avvalroq Polsha matbuotida va ijtimoiy tarmoqlarda Karol Navrotskiyning tarixiy bahslar fonida Zelenskiyni “Oq burgut” ordenidan mahrum qilgani haqida xabarlar tarqalgan edi.
Zelenskiyning so‘nggi bayonoti shu voqeaga oydinlik kiritdi va mukofotning qaytarilishi rasmiy tartib asosida amalga oshirilganini ko‘rsatdi.
