Tramp Netanyahu qo'llab-quvvatlashni e'lon qildi

AQSH prezidenti Donald Tramp 27 oktyabrga belgilangan Isroil parlamenti Knesset saylovlari arafasida bosh vazir Binyamin Netanyahuga ochiq va to‘liq qo‘llab-quvvatlashni e’lon qildi. Bu haqda One.uz xabar beradi.

Oq uy rahbari bu qarorini Vashington va Tel-Avivning Eronga qarshi mushtarak strategik manfaatlari bilan izohladi. Biroq bu qo‘llov mahalliy siyosiy maydonda Netanyahuning «Likud» partiyasi so‘rovlarda muxolifatga imkoniyatni boy berayotgan murakkab pallaga to‘g‘ri kelmoqda.

Tramp Netanyahu hokimiyatda qolishini mintaqaviy xavfsizlikning asosiy kafolati deb hisoblaydi. Uning ta’kidlashicha agar Isroilga boshqa rahbar kelsa AQSH Tehronga mustaqil ravishda yolg‘iz qarshi turishga majbur bo‘ladi.

Prezident Netanyahu hukumati bilan hamkorlikda Eron rejimiga harbiy va moliyaviy jihatdan muttasil zarba berib kelinayotganini ta’kidladi. Tehron rasmiylari o‘z tashqi siyosatini o‘zgartirmaguncha qo‘shma bosim va sanksiyalar davom etaveradi.

So‘rov natijalari va partiyalar balansi Trampning qat’iy xayrixohligiga qaramay Isroil ichidagi kayfiyat amaldagi bosh vazir foydasiga emas. The Jerusalem Post keltirgan ijtimoiy so‘rov natijalariga ko‘ra Isroil armiyasining sabiq bosh qo‘mondoni Gadi Ayzenkot yetakchiligidagi muxolifatdagi «Yashar» partiyasi saylovda 22 ta mandat olishi mumkin.

Amaldagi hukumatning bosh kuchi bo‘lgan Netanyahuning «Likud» partiyasi esa atigi 19 ta mandat bilan ikkinchi o‘ringa tushib qolishi kutilmoqda. Partiyalarning alohida ko‘rsatkichlaridan qat’i nazar hukumat tarafdorlari va muxolifat bloklarining umumiy imkoniyatlari bir-biriga o‘ta yaqinlikda qolmoqda.

Koalitsiya shakllantirish murakkabligi Knessetdagi jami 120 ta o‘rindan ko‘pchilikni shakllantirish va yangi hukumat tuzish uchun kamida 61 ta ovozni birlashtirish talab etiladi. Shu bois alohida partiyaning ko‘proq o‘rin olishi uning mutlaq g‘alabasini kafolatlamaydi.

AP agentligining tahliliga ko‘ra birinchi ssenariy muxolifatning so‘l markazchi va o‘ng partiyalarni yagona blokka jamlashidir. Ikkinchi yo‘l Netanyahuning o‘ta o‘ng siyosiy kuchlar bilan mavjud ittifoqini saqlab qolishidir.

Mamlakatda saylovchilarning qariyb 20 foizini tashkil etuvchi arab aholisi manfaatlarini ifodalovchi partiyalarga so‘rovlarda 13–15 ta mandat berilmoqda. Ular hal qiluvchi pallada kuchlar muvozanatini o‘zgartirib yuborishi mumkin.

Agar kurashayotgan tomonlarning hech biri 61 ta o‘rinni jamlab olmasa mamlakat qayta saylovlar chaqirish xavfida qoladi.