Janubiy Afrika yozuvchisi suniy intellekt yordamida 370 kitob yaratdi

Janubiy Afrika yozuvchisi Coral Hart suniy intellekt vositalaridan foydalanib, 20 oy ichida 370 dan ortiq kitob yaratgan. Bu haqda One.uz xabar beradi.

AFP ma'lumotlariga ko'ra, 2026 yil boshidan boshlab kitoblar savdosidan tushgan daromadi 1 million dollardan oshib ketgan. Yozuvchi ChatGPT, Claude va Grok kabi modellardan foydalanadi, lekin asbob sifatida: syujet g'oyasi, qahramonlar, uslub va boblar rejasini o'zini ishlab chiqadi.

Suniy intellekt esa matnni tayyorlash va tahrirlashda yordam beradi. Dastlabki matn bir necha bosqichda qayta ishlanadi, so'ng inson muharriri yoki korrektor matnni tekshirib, zarur tuzatishlarni kiritadi.

Yozuvchining yo'llari va natijalari Coral Hartning haqiqiy ismi oshkor qilinmagan. U nashriyot sohasida 14 yil ishlagan va suniy intellektdan foydalanishni boshlashdan oldin ham bir necha o'nlab asarlar yozgan.

Muallif hisob-kitobiga ko'ra, uning elektron, bosma va audio formatlardagi kitoblari jami bir million nusxadan ortiq sotilgan. Asarlarning katta qismi romantik janrda bo'lib, muayyan o'quvchilar auditoriyasiga mo'ljallangan.

Adabiyot sohasidagi bahslar Uning faoliyati suniy intellektning adabiyotdagi o'rni haqida bahslarni kuchaytirmoqda. Ayrimlar bunday usulda yaratilgan asarlarning sifati va mualliflik masalasini tanqid qilayotgan bo'lsa, Hart kitoblarining sotilayotganini asosiy mezon sifatida ko'rsatmoqda.