Fransiyada namoyishlar politsiya bilan to‘qnashuvga aylantirildi
Fransiyada oktyabr oyi oxiridagi ommaviy noroziliklar politsiya bilan keskin to‘qnashuvlarga va tartibsizliklarga aylanib ketdi. Bu haqda One.uz xabar beradi.
Ichki ishlar vazirligi ma'lumotlariga ko‘ra, 24 oktyabr kuni harakatlar davomida huquq-tartib organlari 1314 nafar namoyishchini hibsga oldi. Ko‘chalardagi vaziyat nazoratdan chiqib ketishi sababli respublika bo‘ylab xavfsizlikni ta’minlash uchun 70 ming nafar politsiyachi va jandarm jalb etildi, shahar markazlarida maxsus kuchlar va namoyishchilar o‘rtasida bevosita to‘qnashuvlar yuz berdi.
Ko‘chalardagi hodisalar tafsilotlari Namoyishlar maxsus kuchlarning shiddatli hujumlari bilan kuzatildi. Ijtimoiy tarmoqdagi videokadrlarda namoyishchilarni tarqatish uchun dubinkalar, qalqonlar va ko‘zdan yosh oqizuvchi gazlar faol qo‘llanilgani ko‘rinib turibdi.
Keskin qarama-qarshiliklar natijasida kamida 53 nafar politsiyachi turli darajada jarohatlandi. Mamlakat bo‘ylab 75 ta qasddan o‘t qo‘yish hodisasi qayd etildi, shuningdek tartibsizlikdan foydalangan guruhlar 24 ta savdo shoxobchasi va do‘konni talon-toron qildi.
Oktyabrdagi uzluksiz to‘lqin Ushbu hodisalar kutilmagan emas, balki so‘nggi haftalarda davom etayotgan chuqur ijtimoiy inqirozning davomi edi. Oktyabr o‘rtalaridagi mitinglarda politsiya avval 1800 dan ortiq, keyin esa 2400 dan ziyod faolni qo‘lga olgan edi.
Oktyabr oyi ichida qo‘lga olinganlarning umumiy soni 5500 nafardan oshib ketti. Bu Fransiya jamiyatida hukumat siyosatiga qarshi norozilik kayfiyatining yuqori darajada qolayotganini ko‘rsatmoqda.
Hukumat yanada keng qamrovli ehtimoliy tartibsizliklarning oldini olish maqsadida jamoat joylari, savdo markazlari va transport tugunlarida kuchaytirilgan patrullik choralarini davom ettirmoqda. Fransiya ko‘chalaridagi vaziyat har ikkala tomon uchun ham og‘ir sinovga aylangan bo‘lib, ijtimoiy keskinlikning yanada kuchayishi xavfi saqlanib qolmoqda.
