19 yoshli amerikalik bloger va yakka uchuvchi Ethan Guo jahonning yetti qit’asini yakka holda aylanib chiqish maqsadida parvoz qilgan edi. Bu haqida Zamin.uz xabar berdi.
Uning sayohati Antarktidada ruxsatsiz qo‘ngani sababli muammoga duch keldi va u Chili hukumati tomonidan hibsga olindi. Bu haqda Kursiv Media nashri xabar berdi.
Chili prokuraturasi ma’lumotiga ko‘ra, Guo parvoz yo‘nalishini oldindan bildirmay o‘zgartirgan va Chili da’vo qiladigan Antarktida hududidagi Rodolfo Marsh ilmiy bazasiga ruxsatsiz qo‘ngan. Bu harakat xalqaro aviatsiya va milliy xavfsizlik qoidalarini buzish sifatida baholangan.
Guo Punta Arenas shahridan uchib, qisqa muddat ichida Antarktidadagi ushbu hududga yetib borgan. Hozirda u Antarktidadagi Chili sektorida ushlab turilmoqda.
Sud tergov yakunlanguncha uni mamlakat hududidan chiqarmaslik qarorini qabul qilgan. Bloger esa o‘z harakatini “sinov parvozi” deb atab, bu faqat tayyorgarlik bosqichi ekanini bildirgan.
Ushbu voqea xalqaro havo parvozlari xavfsizligi masalasini yana bir bor muhokama qilishga sabab bo‘ldi. Guoning sayohati qanday yakun topishi va unga qanday jazo qo‘llanilishi hozircha noma’lum.
