Dunyodagi eng noodatiy vasiyatnomalar misollari
Dunyoda eng g‘alati vasiyatnomalardan ba’zilari insonlarni hayratda qoldiradi. Bu haqida Zamin.uz xabar berdi.
Ba’zilari hazil tariqasida yozilgan bo‘lsa, boshqalari esa jiddiy voqealarni aks ettiradi. Fransiyaning Marsel shahrida yashagan etikdo‘z o‘zining vasiyatnomasida juda noodatiy so‘zlarni ishlatgan.
U 123 ta so‘zdan iborat hujjatda 94 tasini aytish qiyin bo‘lgan ifodalar tashkil etgan. Eng qisqa vasiyatnoma esa Londonlik bankir tomonidan yozilgan bo‘lib, u faqat “Men butunlay sindim” degan gapdan iborat.
Eng uzun vasiyatnoma Amerika Qo‘shma Shtatlarining asoschilaridan biri Tomas Jeffersonga tegishli bo‘lib, unda meros faqat barcha qullar ozod etilgach berilishi haqida shart qo‘yilgan. Mashhur fizik Nils Borning laboranti tomonidan yozilgan vasiyatnoma esa ilmiy atamalar bilan to‘la bo‘lib, uni tushunish uchun mutaxassislar jalb qilingan.
Eng katta mablag‘ni esa sanoat magnati Genri Ford qoldirgan, u 500 million dollarni 4157 ta ta’lim va xayriya muassasalariga taqsimlagan. Eng maxfiy vasiyatnoma esa milliarder Mishel Rotshildga tegishli bo‘lib, u meros miqdorini oshkor qilishni qat’iyan taqiqlagan, shuning uchun uning boyligi hanuz nomalum.
Kinoprodyuser va millioner Rojer Dorkas esa o‘zining 65 million dollar boyligini itiga qoldirgan. U hatto itga inson sifatida rasmiy hujjat ham tayyorlagan.
Qiziqarli jihati shundaki, uning xotiniga atigi 1 sent berilgan. Ammo xotini ham aqlli bo‘lib, Maksimilian ismli kuchuk bilan turmush qurgan va uning vafotidan so‘ng barcha boylik unga o‘tgan.
Bu voqea ko‘plarni hayratda qoldirgan va dunyoda vasiyatnomalar qanday noyob shakllarda bo‘lishi mumkinligini ko‘rsatadi.
