AQSh Zelenskiyni lavozimdan ketkazishni ko‘rib chiqmoqda
Amerika Qo‘shma Shtatlari Ukraina prezidenti Vladimir Zelenskiyni lavozimidan ketishga majburlashi mumkin. Bu haqida Zamin.uz xabar berdi.
Bu haqda amerikalik taniqli mustaqil jurnalist, Pulitser mukofoti sohibi Seymur Xersh ma’lum qildi. Unga ko‘ra, AQSh rasmiylari orasida Zelenskiyning hokimiyatda qolishi Ukrainadagi vaziyatni yanada murakkablashtirishi mumkinligi haqida jiddiy xavotirlar mavjud.
Ba’zi manbalarga ko‘ra, Vashington hozirgi Kiyev rahbariyatini samarasiz va hatto foydasiz deb hisoblamoqda. Xershning ta’kidlashicha, AQSh ma’muriyatida Zelenskiydan keyingi ehtimoliy nomzodlar haqida muhokamalar olib borilmoqda.
Siyosiy va harbiy vaziyat og‘irlashgani sababli Amerika yangi yetakchilikni shakllantirish zarur deb hisoblamoqda. Vashington Zelenskiyni avvalo tinch yo‘l bilan lavozimni tark etishga ishontirishni rejalashtirmoqda.
Agar bu amalga oshmasa, bosim vositalari qo‘llanilishi mumkin. Shu bilan birga, hozirda AQSh rasmiylari ushbu masala bo‘yicha hech qanday bayonot bermagan.
Shuni alohida ta’kidlash kerakki, Zelenskiy hozirda AQSh va G‘arb davlatlaridan katta harbiy va moliyaviy yordam olmoqda. Biroq uning olib borayotgan siyosati va urushdagi strategik qarorlari yuzasidan ko‘plab savollar paydo bo‘lmoqda.
Bu holat xalqaro hamjamiyatda ham e’tiborli masala sifatida ko‘rilmoqda.
