Markaziy bank valyuta kurslaridagi o‘zgarishlarni e’lon qildi
O‘zbekiston Markaziy banki 2026 yil 20 fevral sanasi uchun xorijiy valyutalarning rasmiy kurslarini e’lon qildi. Bu haqda Zamin.uz xabar berdi.
Unga ko‘ra, AQSh dollari 36,93 so‘mga oshib, 12 169,41 so‘mni tashkil etdi. Yevro kursi esa 0,10 so‘mga pasayib, 14 359,90 so‘mga teng bo‘ldi.
Rossiya rublining qiymati 0,14 so‘mga tushib, 158,95 so‘mni tashkil etdi. Funt sterling 35,05 so‘mga arzonlashib, 16 434,79 so‘m bo‘ldi.
Yapon iyenasi 0,31 so‘mga pasayib, 78,61 so‘mga tenglashdi. Shveysariya franki esa 13,19 so‘mga oshib, 15 739,02 so‘mni tashkil etdi.
Xitoy yuani ham 5,34 so‘mga qimmatlab, 1 761,46 so‘mga yetdi. Markaziy bank tomonidan e’lon qilingan ushbu kurslar faqat statistik ma’lumot sifatida ko‘rsatiladi va amaliy valyuta operatsiyalari uchun asos bo‘lib xizmat qilmaydi.
