Markaziy bank valyuta kurslaridagi o‘zgarishlarni e’lon qildi
O‘zbekiston Markaziy banki 2026-yil 13-fevraldan boshlab amal qiladigan xorijiy valyutalarning rasmiy kurslarini e’lon qildi. Bu haqda Zamin.uz xabar berdi.
Unga ko‘ra, AQSh dollari 11,73 so‘mga arzonlab, 12 275,58 so‘mni tashkil etdi. Yevro kursi 52,04 so‘mga pasayib, 14 591,98 so‘m bo‘ldi.
Rossiya rubli esa 0,26 so‘mga oshib, 159,09 so‘mga yetdi. Funt sterling 73,76 so‘mga arzonlab, 16 754,94 so‘mni tashkil etdi.
Yapon iyenasi 0,08 so‘mga ko‘tarilib, 80,28 so‘mga yetdi. Shveysariya franki 63,31 so‘mga pasayib, 15 981,75 so‘m bo‘ldi.
Xitoy yuani esa 0,59 so‘mga oshib, 1 778,73 so‘mni tashkil etdi. Mazkur valyuta kurslari Markaziy bank tomonidan belgilangan va ular rasmiy hisob-kitoblar uchun asos sifatida qabul qilinadi.
Shu bilan birga, tijorat banklaridagi amaliy kurslar ushbu ko‘rsatkichlardan farq qilishi mumkin.
