Andijon viloyatida yengil sanoat mahsulotlari 12,5 foizga oshdi
O‘zbekiston Statistika agentligining yangi hisobotiga ko‘ra, 2026 yilning yanvar-aprel oylarida mamlakatimiz yengil sanoat sohasida sezilarli o‘sish sur’atlari kuzatildi. Bu haqda Zamin.uz xabar berdi.
Dastlabki to‘rt oy davomida yurtimizdagi yirik korxonalar tomonidan jami 12,9 trillion so‘mlik kiyim-kechak mahsulotlari ishlab chiqarildi. Bu ko‘rsatkich o‘tgan yilning mos davriga nisbatan 12,5 foizga oshgan.
Raqamlarga e’tibor qaratsak, qiziqarli bir fakt ko‘zga tashlanadi. Mamlakatda ishlab chiqarilgan jami kiyim-kechak mahsulotlarining deyarli 42 foizi, ya’ni 5,4 trillion so‘mlik mahsulot faqatgina bitta hudud — Andijon viloyati hissasiga to‘g‘ri kelmoqda.
Farg‘ona vodiysi viloyatlari va Toshkent hududi esa an’anaviy tarzda tikuvchilik sanoatida yetakchilikni saqlab qolmoqda. Andijon viloyati 5,4 trillion so‘m bilinchi o‘rinni egallaydi.
Toshkent viloyati 1,4 trillion so‘m bilan ikkinchi, Namangan viloyati 1,1 trillion so‘m bilan uchinchi o‘rinda turibdi. Farg‘ona viloyati 1 trillion so‘m bilan to‘rtingchi o‘rinni olgan.
Toshkent shahri 999,2 milliard so‘m bilan beshinchi o‘rinni tashkil etmoqda. Samarqand viloyati 687,1 milliard so‘m bilan oltinchi, Buxoro viloyati 449,3 milliard so‘m bilan yettinchi, Qashqadaryo viloyati 431 milliard so‘m bilan sakkizinchi o‘rinni egallagan.
Xorazm viloyati 397 milliard so‘m bilan to‘qqizinchi, Navoiy viloyati 326,2 milliard so‘m bilan o‘ninchi o‘rinda joylashgan. Sirdaryo viloyati 200,2 milliard so‘m, Qoraqalpog‘iston Respublikasi 199,9 milliard so‘m, Surxondaryo viloyati 141,8 milliard so‘m va Jizzax viloyati 132,8 milliard so‘m bilan reytingning oxirgi o‘rinlarini band qilgan.
Surxondaryo va Jizzax viloyatlarida yirik tikuvchilik majmualardan ko‘ra kichik oilaviy tadbirkorlik va hunarmandchilik subyektlari rivojlangani sababli, rasmiy statistikada yirik korxonalar ulushi biroz pastroq ko‘rinish olgan. Umumiy hisobda esa o‘zbek to‘qimachilik mahsulotlari nafaqat ichki bozorni ta’minlamoqda, balki tashqi eksport hajmini ham izchil oshirib bormoqda.
Mamlakatimiz yengil sanoat sohasidagi ijobiy tendentsiyalar kelgusida ham davom etishiga asos bor.
