Aleksey Moskovsev bank omonati bloklangani va qaytarilmadi deganini ochiq qildi
O‘zbekiston bank tizimi va fintex sohasida fuqarolarning omonat mablag‘lari daxlsizligi bo‘yicha jiddiy xavotir uyg‘otuvchi mojaro yuzaga keldi. Bu haqda One.uz xabar beradi.
OneDev kompaniyasi asoschisi va rahbari Aleksey Moskovsev AVO bank'dagi shaxsiy omonati bloklangani va 134 kundan buyon o‘z pullarini qaytarib ololmayotganini ochiq ma’lum qildi. Tadbirkor notarial tasdiqlangan shartnoma asosida uyini sotib, undan tushgan mablag‘ni 2025 yil 9 dekabr kuni bank mobil ilovasi orqali 6 oylik muddatga omonatga qo‘ygan edi.
Biroq 2026 yil 14 mayda, muddat tugashiga bir oy qolganda, hisobraqam hech qanday rasmiy hujjatsiz to‘zdirib qo‘yildi. 10 iyunda omonat muddati tugasa-da, bank pulni qaytarishdan bosh tortib, Yunusobod tumani IIO FMB ko‘rsatmasini vaj qildi.
Qizig‘i, 2026 yil 10 sentyabrda aynan shu IIO FMB rasmiy xatida depozit hisobini bloklash asossiz bo‘lganini rasman tan olgan, ammo bank shunga qaramay mablag‘ni egasiga qaytarmayapti. Mojaroning asosiy nuqtalari Mablag‘ning qonuniy kelib chiqishi: Fuqaro notarial tartibda kvartirasini sotib, shaffof pulni 2025 yil 9 dekabrda omonatga qo‘ygan.
Asossiz va to‘satdan bloklash: Omonat muddati tugashiga bir oy qolganda (14 mayda) bank hisobni hech qanday qaror ko‘rsatmasdan to‘sib qo‘ygan. IIB bloklashni asossiz deb topdi: Yunusobod tumani IIO FMB 2026 yil 10 sentyabrdagi 27/45-20347-sonli xatida hisobning bloklanishi asossiz ekanini rasman tasdiqladi.
Markaziy bank shikoyatni bankning o‘ziga yo‘naltirdi: Regulyator murojaat.gov.uz orqali kelib tushgan arizani ko‘rib chiqish o‘rniga yana AVO bank'ga jo‘natdi, bank esa eski shablon javobni takrorladi. Foizlar to‘xtatilgan, 134 kunlik sukunat: 11 iyundan buyon omonat bo‘yicha foiz hisoblanmaydi, fuqaro 134 kundan beri o‘z puliga egalik qila olmayapti.
