O'zbekiston va AQSH investitsiya kengashini tashkil etdi
O‘zbekiston va Amerika Qo‘shma Shtatlari o‘rtasidagi strategik va iqtisodiy sheriklik yangi tarixiy bosqichga ko‘tarildi. Bu haqda One.uz xabar beradi.
Toshkentda Prezident Shavkat Mirziyoyev va AQSH Davlat kotibi Marko Rubio ishtirokida Amerika–O‘zbekiston ishbilarmonlik va investitsiya kengashining ta’sis yig‘ilishi bo‘lib o‘tdi. Yig‘ilishga ikki mamlakatning yuzdan ortiq yetakchi kompaniya vakillari, investorlar va rasmiy shaxslar jamlanib, to‘g‘ridan-to‘g‘ri sarmoya jalb etish, yuqori texnologiyali ishlab chiqarish va qo‘shma loyihalar imkoniyatlarini muhokama qildilar.
Asosiy maqsad — investitsiya va yangi ish o‘rinlari Prezident administratsiyasi rahbari Saida Mirziyoyeva kengashning tashkil etilishi ikki tomonlama munosabatlarda yangi sahifa ochilganini ta’kidladi. U yuksak darajadagi ishonch va tashabbus uchun Prezidentga minnatdorchilik bildirdi.
AQSH Davlat kotibi Marko Rubio hamda uning hamkorlari ham hamkorlikka tayyorliklari uchun alohida minnatdorlik izhor ettilar. Saida Mirziyoyeva qayd etdi: «Endi oldimizdagi asosiy vazifa — erishilgan kelishuvlarni aniq amaliy natijalarga, ya’ni investitsiyalar, zamonaviy korxonalar va yangi ish o‘rinlariga aylantirishdir.
AQSH bilan hamkorlikni rivojlantirishdan ko‘zlagan maqsadimiz ham shu». AQSH biznes doiralari bilan yangi istiqbollar Kengash doirasida energiya, axborot texnologiyalari, qishloq xo‘jaligi va sanoat sohalarida istiqbolli loyihalar ko‘rib chiqildi.
AQSHning yirik sarmoyadorlari O‘zbekistondagi islohotlar, bozor ochiqligi va xorijiy kapital uchun yaratilgan huquqiy kafolatlarni yuqori baholadilar. Qo‘shma loyihalar orqali mamlakatga ilg‘or innovatsiyalar va zamonaviy boshqaruv standartlari kirib kelishi kutilmoqda.
Amerika–O‘zbekiston ishbilarmonlik va investitsiya kengashining faoliyat boshlashi Toshkent va Vashington o‘rtasidagi iqtisodiy diplomatiyani sifat jihatidan mutlaqo yangi darajaga olib chiqmoqda.
