Kecha kechasi Toshkent shahrining Olmazor tumanidagi Uzumbog ko‘chasida yashovchilar achchiq hid sezishdi. Bu haqida Upl.uz xabar berdi.
Bu haqda Favqulodda vaziyatlar vazirligining matbuot xizmati ma’lum qildi. Ma’lum bo‘lishicha, Olmazor tumanidagi Uzumbog ko‘chasida joylashgan omborda vodorod periksining oqishi yuz berdi.
Oqish soat 4:00 ga qadar to‘liq bartaraf etildi. Oqishni bartaraf etishda poytaxt Favqulodda vaziyatlar boshqarmasining radiatsion, kimyoviy va tibbiy-biologik himoya bo‘limlari jalb etildi.
Hozirda yuz bergan hodisaning sabablarini aniqlash bo‘yicha atroflicha tekshiruv olib borilmoqda. Vazirlik vakillari oqishning hajmi va uning atrof-muhit hamda inson salomatligiga ta’siri haqida hozircha batafsil ma’lumot bermayapti.
Vodorod periksi – rangsiz kimyoviy birikma bo‘lib, kuchli oksidlovchi xususiyatlarga ega. U tibbiyotda antiseptik vosita sifatida, uy sharoitida oqartirish va dezinfeksiya qilishda, sanoatda esa materiallarni tozalash va oqartirishda qo‘llaniladi.
Yuqori kontsentratsiyalarda ifloslangan vodorod periksi portlash xavfi tug‘dirishi mumkin.
