Amerikalik mashhur qo‘shiqchi Jennifer Lopesning jamoasi Toshkentga yetib keldi. Bu haqida Upl.uz xabar berdi.
Bu haqda kecha kechqurun Telegramdagi “Toshkent osmoni yangiliklari” kanali xabar berdi. Ma’lumotlarga ko‘ra, samolyotda taxminan 90 kishi bo‘lgan.
Jamoa 2025 yilda bo‘lib o‘tadigan beshinchi “Up All Night — LIVE IN 2025” konsert turining tarkibidan iborat bo‘lib, unda dunyo bo‘ylab jami 21 ta konsert rejalashtirilgan. Jamoaga quyidagilar kiradi: musiqa guruhi (baraban, elektr va bas gitara, klaviatura va boshqalar), bеk-vokal guruhi, raqqosalar guruhi, shou dasturini tashkil etish bo‘yicha mutaxassislar (yorug‘lik, ovoz, dekoratsiya va maxsus effektlar), kiyim-kechak va makiyaj bo‘yicha mutaxassislar, qo‘shiqchining shaxsiy xavfsizligini ta’minlovchilar, shuningdek, logistika va boshqaruv guruhi.
Ular konsert davomida yulduz va jamoaning oziqlanishi, yashashi va harakatini muvofiqlashtiradi. Eslatib o‘tamiz, Jennifer Lopes 7 avgust kuni “Milliy” stadionida (“Bunyodkor”) konsert beradi.
Tashkilotchilar 25 ming chipta sotishni rejalashtirgan va iyul o‘rtalariga kelib ulardan 40 foizi xorijliklar tomonidan sotib olingan. Madaniyat va san’atni rivojlantirish jamg‘armasi ma’lumotiga ko‘ra, tadbirni tashkil etishda yirik homiylar ishtirok etishi kutilmoqda.
Konsert kichik va o‘rta biznes, shuningdek mehmonxona va restoran sohalarining rivojlanishiga yordam beradi. Bundan tashqari, texnik xodimlar va marketing mutaxassislari uchun vaqtinchalik ish o‘rinlari yaratiladi.
Shu tariqa, jahon yulduzining tashrifi nafaqat minglab tomoshabinlarga unutilmas taassurotlar hadya qiladi, balki shaharning iqtisodiyotiga ham ijobiy ta’sir ko‘rsatadi.
