Bugun, 7 avgust kuni soat 16:09 da Toshkent shahar Favqulodda vaziyatlar bosh boshqarmasiga Yashnobod tumanidagi Ko‘yluk massivida joylashgan ko‘p qavatli uyning yettinchi qavatidagi kvartirada yong‘in yuzaga kelgani haqida xabar kelib tushdi. Bu haqida Upl.uz xabar berdi.
Favqulodda vaziyatlar xizmatining matbuot xizmati bildirishicha, yong‘in o‘chirish brigadalari 16:17 da voqea joyiga yetib borib, soat 16:37 da yong‘in to‘liq bartaraf etildi. Ijtimoiy tarmoqlarda yong‘in bo‘lgan kvartirada odam borligi haqida tarqalgan ma’lumot tasdiqlanmadi.
Qutqaruvchilarning tezkor va samarali harakatlari natijasida hech kim jarohat olmadi. Hozirda yong‘inning kelib chiqish sabablari va moddiy zarar miqdori aniqlanmoqda.
Hodisa yuzasidan barcha zarur tekshiruvlar olib borilmoqda. Fuqarolardan ehtiyotkorlik va xavfsizlik qoidalariga rioya qilish so‘raladi.
Toshkentda qo’yliqda kvartirada yong‘in boshlandi
👍 0❤️ 0😂 0😢 0😡 0
