2025 yil 15 avgustdan boshlab O‘zbekistonda jinoyat ishlari bo‘yicha sudlarda majburiy choralarni qo‘llash imkoniyatlarini kengaytiruvchi muhim qonun o‘zgartishlari kuchga kirdi. Bu haqida Upl.uz xabar berdi.
Ushbu yangi qonun adliya tizimining samaradorligini oshirish va ayblanuvchilarning suddan qochishini oldini olishga qaratilgan. Qonunga muvofiq, sudga gumon qilinayotgan, ayblanayotgan yoki sudlanayotgan shaxslarning mamlakatdan vaqtincha chiqib ketish huquqini cheklash huquqi berildi.
Bu chora shaxsga nisbatan qamoqqa olish qo‘llanilmagan taqdirda, lekin huquqni muhofaza qiluvchi organlarda uning O‘zbekiston hududini tark etib, suddan qochishi mumkinligi haqida asosli gumonlar mavjud bo‘lsa qo‘llanadi. Bunday cheklovlarni qo‘llash bo‘yicha arizani prokuror, tergovchi yoki surishtiruvchi berishi mumkin.
Sud arizani yopiq tartibda eng ko‘p 8 soat ichida ko‘rib chiqadi va natijada chiqish huquqini cheklash yoki rad etish haqidagi qarorni qabul qiladi. Sud qaroriga nisbatan 48 soat ichida shikoyat yoki protest berish mumkin.
Qonun rasmiy e’lon qilingan kundan boshlab kuchga kirdi.
