2025 yilning yanvaridan iyunigacha bo‘lgan davrda Janubiy Koreyaga turistlik maqsadlarda jami 14,8 ming nafar O‘zbekiston fuqarosi safarga chiqqan. Bu haqida Upl.uz xabar berdi.
Bu ma’lumotlar O‘zbekiston Respublikasi Davlat statistika qo‘mitasi tomonidan taqdim etilgan. Ushbu ko‘rsatkich o‘tgan yilning mos davriga nisbatan 4,9 ming kishaga yoki 48,7 foizga oshgan.
2025 yilning birinchi yarmida Janubiy Koreyaga yo‘l olgan O‘zbekiston fuqarolari sayohat maqsadlariga ko‘ra quyidagicha taqsimlangan: sayohat qilish uchun 10 032 kishi, qarindoshlarni ziyorat qilish uchun 3 041 kishi, ta’lim olish uchun 1 557 kishi, ish bilan bog‘liq safarlarda 187 kishi hamda davolanish maqsadida 25 kishi borgan. Agar ushbu o‘sish sur’ati davom etsa, kelajakda Janubiy Koreyaga boruvchi o‘zbekistonliklar soni yanada ko‘payishi kutilmoqda.
Bu esa ikki davlat o‘rtasidagi ta’limiy va madaniy aloqalarning mustahkamlanishiga xizmat qiladi.
