Andijon viloyati bojxona boshqarmasi matbuot xizmati tomonidan chet el valutasini noqonuniy olib chiqishga urinish to‘xtatildi. Bu haqida Upl.uz xabar berdi.
Andijon viloyatida, Qirg‘iziston bilan chegarada joylashgan chegara bojxona posti xodimlari tomonidan O‘zbekiston hududini tark etmoqchi bo‘lgan bir nafar erkak shaxsga qo‘shimcha tekshiruv o‘tkazildi. Tekshiruv jarayonida ushbu shaxs Qirg‘iziston fuqarosi ekanligi aniqlanib, u bojxona nazoratidan yashirish maqsadida 687 500 Rossiya rubli va 200 000 Qirg‘iz somini noqonuniy olib chiqishga uringanligi ma’lum bo‘ldi.
Mazkur holat yuzasidan dastlabki tergov harakatlari olib borilmoqda. Tergov yakunlangach, ushbu chet el fuqarosining harakatlariga qonuniy baho beriladi.
Bojxona idorasi fuqarolarga eslatadiki, O‘zbekiston hududidan olib chiqilishi mumkin bo‘lgan chet el valutasining miqdori 100 million so‘mdan oshmasligi lozim.
