Sharaf-Rashidov tumanida rahbarlik almashdi. Bu haqida Upl.uz xabar berdi.
Yangi tuman hokimi lavozimiga Asilbek Ashurov tayinlandi. U mazkur lavozimga avvalgi rahbar korrupsiyada gumon qilinib ushlanganidan so‘ng keldi.
Asilbek Ashurov ilgari Paxtakor tumani hokimi bo‘lib ishlagan. U tuman xalq deputatlari kengashining navbatdan tashqari yig‘ilishida bir ovozdan tasdiqlandi.
Uning nomzodi Jizzax viloyati hokimi tomonidan ilgari surildi. Eslatib o‘tamiz, tumanga 2019 yil oktyabrdan rahbarlik qilgan Mahmud Xolbutayev iyul boshida 10 ming dollar miqdoridagi pora qismi olayotgan paytda ushlangan.
Surishtiruv ma’lumotlariga ko‘ra, u quruvchi kompaniyaga ko‘p qavatli uy qurish uchun 30 ming dollar evaziga yer maydoni ajratishni va’da qilgan. Ushtib olish jarayoni uning boshqaruvidagi xodimlar bilan hamkorlikda amalga oshirilgan.
