2025 yil 1 yanvar holatiga ko‘ra O‘zbekistonda jami 10 244 241 ta oila mavjudligi ma’lum bo‘ldi. Bu haqida Upl.uz xabar berdi.
Bu ma’lumotlar Respublika Davlat statistika qo‘mitasi tomonidan taqdim etilgan. Hududlar bo‘yicha oilalar soni farq qiladi.
Eng ko‘p oilalar soni Farg‘ona viloyatida bo‘lib, u yerda 1 177 396 ta oila ro‘yxatga olingan. Farg‘onani Samarqand viloyati (1 082 846 ta oila) va Toshkent shahri (1 011 537 ta oila) kuzatib boradi.
Eng kam oilalar soni esa Sirdaryo viloyatida (251 415 ta oila) va Navoiy viloyatida (307 744 ta oila) qayd etilgan. Quyida 2025 yil 1 yanvar holatiga ko‘ra viloyatlar va Toshkent shahridagi oilalar soni kamayish tartibida keltirilgan: Farg‘ona viloyati — 1 177 396 ta oila, Samarqand viloyati — 1 082 846 ta, Toshkent shahri — 1 011 537 ta, Andijon viloyati — 946 450 ta, Toshkent viloyati — 913 510 ta, Qashqadaryo viloyati — 911 917 ta, Namangan viloyati — 834 796 ta, Surxondaryo viloyati — 740 005 ta, Buxoro viloyati — 615 418 ta, Xorazm viloyati — 580 823 ta, Qoraqalpog‘iston — 499 417 ta, Jizzax viloyati — 370 967 ta, Navoiy viloyati — 307 744 ta va Sirdaryo viloyati — 251 415 ta oila hisoblanadi.
Ushbu raqamlar oilalar sonining hududlar bo‘yicha taqsimotini aniq ko‘rsatadi.
