Toshkent Aeroporti shtab-kvartirasi matbuot xizmati tomonidan ma’lum qilinishicha, kuchli ta’sir qiluvchi dorilarni noqonuniy olib kirish holati oldi olindi. Bu haqida Upl.uz xabar berdi.
Toshkent Aeroporti kontrabandaga qarshi kurash bo‘limi xodimlari va Elektron tijorat tashqi iqtisodiy faoliyat bojxona posti xodimlari hamkorligida maxsus tezkor tadbir o‘tkazildi. Ushbu tadbir davomida O‘zbekiston hududiga kuchli ta’sir qiluvchi dorilarni noqonuniy olib kirishga uringan shaxs aniqlanib, unga qarshi chora ko‘rildi.
Aniqlanishicha, Toshkent shahri Yunusobod tumani fuqarosi pochta orqali 16 ta konvalyut ichida jami 112 dona “Pregabalin Sandoz” nomli kuchli ta’sir qiluvchi dori buyurtma qilgan. Ushbu shaxs xalqaro pochta jo‘natmasini olgan vaqtida qo‘lga olindi.
Hozirda ushbu holat bo‘yicha tergov harakatlari olib borilmoqda. Mazkur shaxsga nisbatan jinoiy javobgarlik qo‘llanishi mumkin.
O‘zbekiston hududida dori vositalarini noqonuniy olib kirish qat’iyan taqiqlanadi va bunday holatlar qat’iy nazoratga olingan.
