2025-2026 o‘quv yilidan boshlab O‘zbekistondagi maktablarda muhim o‘zgarishlar joriy etiladi. Bu haqida Upl.uz xabar berdi.
An’anaviy ravishda juma kunlari o‘tkazib kelinayotgan “Sinf soatlari” endi “Kelajak soati” bilan almashtiriladi. Ushbu darslar har dushanba kuni birinchi darsda bo‘lib o‘tadi.
Yangi tartib ma’naviy-ma’rifiy ishlarni samaradorligini oshirish bo‘yicha farmonda tasdiqlangan. Ushbu darslarning asosiy maqsadi o‘quvchilar orasida axloqiy va ma’naviy qadriyatlarni mustahkamlash, shuningdek, ularni kelajak haqida o‘ylashga, maqsadlarini aniqlashga va jamiyatdagi o‘z o‘rnini anglashga rag‘batlantirishdir.
Bundan tashqari, yangi hujjatda maktab psixologi faoliyati rejalashtirilgan. O‘zgartirishlar 2025-2026 o‘quv yili davomida amal qiladi.
Bu yangiliklar yoshlarni ma’naviy va ruhiy jihatdan qo‘llab-quvvatlashga qaratilgan bo‘lib, ularning kelajakka tayyorligini oshirishga xizmat qiladi.
