O‘zbekiston mustaqilligining 34 yilligi munosabati bilan Prezident Shavkat Mirziyoyev 523 nafar shartli ravishda yoki to‘liq muddatdan oldin ozod etish to‘g‘risida farmon imzoladi. Bu haqida Upl.uz xabar berdi.
Bu haqda “O‘zbekiston 24” telekanali xabar berdi. Ushbu qaror insonparvarlik tamoyillariga asoslangan bo‘lib, ko‘plab fuqarolarga ikkinchi imkoniyat yaratdi.
Ozod etilganlar orasida 195 nafar shaxs jazodan to‘liq ozod qilindi, 147 kishi shartli ravishda muddatdan oldin qamoqdan chiqarildi, 87 nafar mahkumning jazosi yumshatildi, 94 kishining qamoq muddati qisqartirildi. Shuningdek, ozod etilganlar orasida 8 nafar xorijiy davlat fuqarolari, 45 nafar ayol, 31 nafar 60 yoshdan oshgan shaxs va 220 nafar 30 yoshgacha bo‘lgan yoshlar bor.
E’tiborli jihati, ro‘yxatga taqiqlangan tashkilotlarda ishtirok etgan 15 nafar shaxs ham kiritilgan. Prokuratura va tegishli idoralar ozod etilganlarni yashash joylariga yetkazish, xorijiy fuqarolarni vatanlariga deportatsiya qilish bo‘yicha chora-tadbirlar ko‘rdi.
Ozod qilinganlar profilaktika va probatsiya hisobiga olinadi. Ular uchun bir martalik moddiy yordam beriladi, zarurat bo‘lganda tibbiy ko‘rik va davolash tashkil etiladi.
Shuningdek, ishga joylashish, kredit va subsidiyalar olish, fuqarolik hujjatlari hamda pensiyalarni rasmiylashtirishda yordam ko‘rsatiladi. Bu chora-tadbirlar ularning jamiyatga qayta moslashishini ta’minlashga qaratilgan.
