Oliy sud matbuot xizmatida axborot xabari e’lon qilindi. Bu haqida Upl.uz xabar berdi.
Avvalroq Asaka tumanida sodir etilgan shafqatsiz guruhbozlik bilan bog‘liq voqea yuzasidan uch nafar erkak shaxsga nisbatan ozodlikni cheklash jazosi tayinlangani haqida ma’lumot berilgan edi. Ushbu uch nafar jinoyatchilar ikki fuqaroning tan jarohatlarini yetkazgan.
Ulardan biriga yengil tan jarohati, ikkinchisiga esa o‘rta og‘irlikdagi tan jarohati keltirilgan. Oliy sud xabariga ko‘ra, sud jarayoni davomida jabrlanuvchilar sudga murojaat qilib, ayblanuvchilarga nisbatan da’volar yo‘qligini bildirgan va ularga ozodlikdan mahrum qilinmagan jazo tayinlashni so‘raganlar.
Sud ushbu arizani, shuningdek, ayblanuvchilarning o‘z aybini tan olgani, chin dildan pushaymon bo‘lgani va ularning yoshini inobatga olgan holda uch yil muddatga ozodlikni cheklash jazosi tayinladi. Shuningdek, ayblanuvchilar jabrlanuvchilarga yetkazilgan moddiy va ma’naviy zararlarni to‘liq qoplaganliklari qayd etildi.
