2025 yilning yanvaridan mayigacha bo‘lgan davrda O‘zbekiston fuqarolarining 2,7 milliondan ortig‘i chet elga sayohat qilgan. Bu haqida Upl.uz xabar berdi.
Bu haqda O‘zbekiston Respublikasi Davlat statistika qo‘mitasi ma’lumotlariga tayanib aytilmoqda. O‘tgan yilning shu davriga nisbatan sayohat qilganlar soni 574,1 ming kishiga yoki 26,4 foizga oshgan.
Tahlillar shuni ko‘rsatadiki, ko‘pchilik sayohatchilar yaqin xorijiy davlatlarni tanlagan. Ushbu besh oy davomida O‘zbekiston fuqarolarining chet elga chiqish ko‘rsatkichlari quyidagicha: Qirg‘izistonga 1 189 793 kishi, Tojikistonga 501 657 kishi, Qozog‘istonga 468 208 kishi, Saudiya Arabistoniga 145 262 kishi, Rossiyaga 124 829 kishi, Turkiyaga 88 648 kishi, BAAga 71 352 kishi, Misrga 30 479 kishi, Tailandga 16 555 kishi, Vetnamga 15 802 kishi va boshqa davlatlarga jami 93 253 kishi sayohat qilgan.
Bu ma’lumotlar O‘zbekiston fuqarolarining asosan qo‘shni va yaqin xorij davlatlariga ko‘proq sayohat qilishini ko‘rsatmoqda. Sayohatlarning oshishi mamlakat fuqarolarining xorijga chiqish imkoniyatlari kengaygani va sayohatga bo‘lgan qiziqishning ortganidan dalolat beradi.
