Poytaxt shahar IIBB matbuot xizmati xabariga ko‘ra, o‘g‘rilik sodir etgan shaxs qo‘lga olindi. Bu haqida Upl.uz xabar berdi.
Sergeli tumani Choshtepa ko‘chasida joylashgan va ilgari xavfsizlik nazorati ostiga olingan do‘kondan ma’lumot kelib tushdi. Hodisa joyiga yetib borgan ichki ishlar xodimlari noma’lum shaxs boshiga futbolka kiyib, yuzini videokuzatuv kameralaridan yashirganini aniqladi.
U do‘kon tomining tom qismidagi qopqoqni buzib ichkariga kirgan va do‘kondan 300 quti sigaret olib, hodisa joyidan qochishga urinibdi. Ichki ishlar xodimlari tezkor harakat qilib, jinoyatchini ushlashga muvaffaq bo‘ldi.
Do‘kon egasi ilgari uning do‘koni bir necha bor o‘g‘rilikka uchraganini, ammo xavfsizlik tizimi o‘rnatilgach jinoyatchi tezda qo‘lga olinganini ta’kidladi. Ushbu holat bo‘yicha O‘zbekiston Respublikasi Jinoyat kodeksining “O‘g‘rilik” moddasi bo‘yicha jinoyat ishi qo‘zg‘atildi.
